تحزير من مكتب حورس لالحاق العمالة المصرية بالخارج وعنوانه

تحزير من مكتب حورس لالحاق العمالة المصرية بالخارج وعنوانه 5 ش الجولف, بجوار نادى المعادى الرياضى واليخت, المعادى, القاهرة دى تجربتى مع شركه حورس بما يرضى الله احذر بيها كل من يتعامل مع هذا المكتب وربنا اللى شاهد على كلامى انا بعت السى فى بتاعى للمكتب اتصلوا بيا قالولى مستشفى القوات المسلحه بالقاعدة الجويه للملك عبد العزيز ال سعود طالبه شيف حلوانى نظام ترشيح اوراق تحب نبعت السى فى بتاعك .قلتلهم ماشى غابوا شويه واتصلوا بيا قالولى وافقوا على السى فى بتاعك تعالى المكتب علشان تمضى على .الاوفر(العرض ) ونبدء فى الاجراءات رحت قريت الاوفر مكتوب فيه المرتب ومده العقد وهكذا قالولى التأشيره هتيجى بشيف حلوانى لازم بطاقتك تكون شيف حلوانى هى والباسبور فى الفترة دى انا كنت شغال كجوال ما كنتش فاتح تأمينات حلوانى علشان اكتب فى البطاقه شيف حلوانى اضطريت افتح تأمينات على حسابى وصرفت كتير لحد ما طلعت البطاقة بشيف حلوانى هى والباسبور ورحتلهم قالولى هنزل بياناتك على النت علشان تروح تعمل تحليل فيروسات ورحت فعلا عملت التحليل وبعدين دفعتلهم 5000 جنيه وقالولى فى خلال اسبوعين هتكون تأشيرة جت انا ابتديت احضر نفسى للسفر والله العظيم بعت عربيتى بخسارة علشان ما ينفعش اسافر واسيبها هنا ده غير اللى صرفته فى التأمينات والتحاليل وفضلوا يمطوحونى اسبوع فى اسبوع ودخلنا فى شهر وشهرين وبعدين قالولى بمنتهى البرود مفيش تأشيرة بشيف حلوانى متوفرة دلوقتى وبصراحه اتدايقت جدا وقلتلهم انا عايز فلوسى اللى دفعتها وفعلا روحت خدت الفلوس وخصموا 300 جنيه قالولى مصاريف هما صرفوها.اللى انا استنتجته بقى من الموضوع بس ده مجرد استنتاج منى بعد اللى حصل معايا علشان محدش يقول انى بفترى عليهم.انا استنتجت كده علشان دى ممكن تكون طريقتهم فى النصب فانحذر الناس منهم لاكن الله اعمل بنيتهم لأن لو عملوا الموضوع ده مع 30 واحد مثلا وخدوا من كل واحد 5 الاف جنيه يبقوا 150 الف جنيه يحطوهم فى البنك ويمطوحوا الناس بالشهر والشهريين لحد ما الفلوس تعملها مبلغ فى البنك وبعدين يرجعوا للناس فولسها ويخصموا من كل واحد 300 جنيه كمان لو ضربناهم فى 30 يبقوا 9 الاف جنيه كمان وادى يا جماعه طرق النصب الجديده وما يكونش عليهم اى مسؤليه نهائى انا ببلغ كل اللى بيتعاملوا مع هذا المكتب اقسم بالله العظيم ان الكلام ده حصل معايا بالظبط اللى يتعامل مع المكتب ده ما يدفعلوش اى فلوس الا لما التأشيرة تجيلوا علشان يتأدب فى تعاملوا مع الناس بعد كده .وانا اقسمت بالله انى انشر الرساله دى فى كل المواقع اللى انا مشترك فيها علشان الناس تستفاد من تجربتى معاهم وربنا يحاسبنى اذا كنت بكذب. ويبقى منى لله