مأساة

انا روحت عشان احلل غدة درقية من شهر وبعد ما اتبهدلت عشان اجيب استمارة من مكتب صغيرة كده مليان ورق وفضلت اخبط على الباب كتير ومحدش بيفتح لحد ما كنت هيأس واحده فتحتلى وقال ايه كانو بيصلوا !! المهم اخدت منى الورقه بتاعت الدكتور الى مكتوب فيها التحليل وجابتلى استمارة روحت ادور على معمل الكميا وبعد لف دخلت قالتلى الجهاز بايظ تعالى (اسالى) بعد اسبوع !! روحت بعد اسبوعين .. لاقيت ناس كتير رايحه تحلل غدة واقفين وسالناها قالتلنا الغدة لا اصل الجهاز بايظ .. ومن اسبوعين بايظ ودلوقتى عدى شهر ولسه بايظ .. يا اما تحلل بره ب 350 جنيه .. ماهو عشان اخد حقى واتعالج فى بلدى لازم اتبهدل وفى الاخر الاقى الجهاز بايظ انا مش عارفه ازاى مستشفى زى دى يكون جهاز مهم زى ده فيها بايظ انا لو اعرف مكان معين اروح اشتكى فيه مش هتاخر بس فين ومين الى هيسمعنى وهيفتكرنى اصلا وبعد ما امشي يشوف المشكله دى .. يارب اصلح حال البلد دى